CORS DI FURLAN Ducj i dirits risiervâts
		PRESENTAZION: Chest cors al à il fin di scomençâ a fâ fevelâ il prin pussibil ducj chei che a volin imparâ la lenghe furlane. Propit par chest uchì o no cjatarès dome pagjinis di gramatiche e regulis di grafie, ma soredut dialogs cun l'audio, leturis e esercizis par fâus scomençâ subit a cjacarâ fin de prime lezion.   ORGANIZAZION: Il cors al é dividût par cjapitui, e ogni cjapitul al è cussì organizât: - Obietîfs di rivâ ae fin dal cjapitul - Dialog principâl - Vocabulari e struture de frâs (clamadis "Cemût dî) - Gramatiche - Esercizis Ae fin di ducj i cjapitui o varés di savê rispuindi aes domandis fadis tai obietîfs iniziâi. Se al sucêt cussì benon, il fin al é stât razunzût e o podeis passâ a chel che al vegn daspò. Se invezit al é ancjemò cualchi problem, nuie pore: il furlan a nol é une lenghe semplice di imparâ se o no le veis mai sintude o fevelade. I vuestris sfuarçs a saran premiâts cu la riscuvierte des vuestris lidrîs, e cu l'agrât di savê fevelâ la lenghe plui europeane e plui biele dal mont !!!!!!!!!!   L'AUDIO I dialogs a son in koiné furlane. Par podê scoltâ la lezion, dulà al é pussibil, o veis di fracâ sul cerclut turchin dulà al é scrit "Scolte", sicu chest:   RACOMANDAZIONS SU LA GRAFIE Chest cors al ûl fâus imparâ a fevelâ furlan, ma ancje a scrivilu e a lezilu. E je stade doprade la grafie uficiâl de lenghe furlane, che e permét di scrivi ducj te istesse maniere ma di lezi e fevelâ inte propie varietât furlane. Uchì o podarés cjatâ cualche indicazion pal linguaç dal misdì dal Friûl dilà da l'aghe, che al servirà di esempli par fâus viodi i vantaçs di cheste grafie (oltri a jessi l'ugnule variant che jo o cognossi insiemit ae koiné).   CUMÓ VÉ I CJAPITUI: